Një person është shfaqur i maskuar në protestën e organizuar nga Aleanca për Mbrojtjen e Teatrit, duke shkaktuar reagime mes protestuesve. Personi që kishte mbuluar kokën dhe fytyrën me kapuç, është parë të konfrontohet me disa protestues, që më pas e kanë larguar nga sheshi i protestës. Sipas raportimeve në media, në shesh janë hedhur edhe disa kapsolla e për pasojë është plagosur lehtë një qytetare.
“Janë hedhur kapsolla tek pjesa e tribunës ku po flasin artistët, dhe është lënduar një zonjë. Janë një grup të rinjsh që mbajnë kapuç. Ata filluan të brohorisnin dhe kur erdhi kreu i PD-së Basha dhe kryetarja e LSI-së”, raportoi në media gazetarja Klodiana Lala.
Në thirrjen e tij, Robert Budina, u kërkoi protestuesve të mos bien pre e provokimeve./Opinion.al
