Nuk janë vetëm shqiptarët ata që vjedhin në Itali, por edhe vetë italianët që këtë herë në qendër të grabitjes së tyre kanë pasur një shqiptar,
Ngjarja ka ndodhur ditën e djeshme në Bergamo të Italisë,
Sipas Corriere.it, dy italianët kishin shkuar ë supermarket ndoshta për të bërë shpenzime.
Por më pas, duke shëtitur nëpër rafte, kanë menduar të vjedhin qesen e një klienti, duke i marrë më pas edhe portofolin. Ku krahas euro pa e ditur i kanë marrë edhe lekë shqiptare.
E gjithë skena ka ndodhur në sytë e fëmijës që ishte vendosur në karrocë.
Sikundër raporton Corriere.it, në pranga kanë rënë këtë mëngjes një 39 vjeçar nga Albano Sant’Alessandro dhe një 43 vjeçar nga Ghisalba, të dy me precedentë të mëparshëm penalë (i dyti po për vjedhje).
Të martën në mbrëmje në Auchan në rrugën Carduci, në Bergamo, dy personat janë kapur nga telekamerat, ndërsa tentonin të largoheshin bashkë me paratë e shqiptarit.
Skema ka qenë shumë e thjeshtë. 43 vjeçari bënte sikur shtynte karrocën e fëmijës, ndërsa tjetri më i riu mori qesen e klientit shqiptar, për të grabitur më pas me shumë mjeshtëri portofolin të cilin fillimisht e pastroi nga kartmonedhat: 500 euro dhe 2.200 lekë (25 euro)
Pastaj e fshehën qesen pas disa kostumeve Karnavalesh,
Kur kanë bërë të dalin jashtë ata janë vënë re nga disa roje të cilët e kanë parë skenën nga monitorë të sistemit të brendshëm të survejimit.
Rojet e sigurisë fillimisht i bllokuan dhe më pas i dorëzuan te karabinierët.
39 vjeçari pranoi gjithçka, ndërsa bashkëpunëtrori tha “se e pa qesen në një kosh, por nuk e mori”.
Kjo gjithsesi nuk e ka bindur gjykatësen Donatella Nava. /Corriere.it Përshtati Dritan Laci
