Një 66-vjeçar ka rënë në prangat e policisë së Tiranës pasi gjatë kontrollit i janë gjetur disa doza kokaine, gati për shitje dhe para të përfituara nga kjo veprimtari kriminale.
“Shërbimet e Komisariatit të Policisë Nr. 1 kapë kapur në Shkozë dhe kanë arrestuar në flagrancë shtetasin F. B., 66 vjeç, banues në Tiranë. Gjatë kontrollit fizik dhe kontrollit në banesën e tij, shërbimet e Policisë kanë gjetur një sasi lënde të dyshuar narkotike kokainë, të ndarë në doza, gati për shitje, 8000 euro dhe 600 000 lekë të rinj, të dyshuara të përfituara nga shitja e lëndës narkotike”, njofton policia.
Po ashtu është proceduar penalisht bashkëshortja e tij për veprime që pengojnë zbulimin e së vërtetës.
“Në vijim të veprimeve për këtë rast u referuan materialet në Prokurori ku nisi procedimi në gjendje të lirë për bashkëshorten e 66-vjeçarit, shtetasen Sh. B., pasi sapo ka parë shërbimet e Policisë që kishin shkuar për kontroll, ka hedhur nga ballkoni i banesës, disa doza lënde të dyshuar narkotike kokainë”, sqaron policia.
