Reperi i njohur shqiptar, Unikkatil, ka reaguar për vdekjen e vëllait të tij, Mentor Palokaj.
Përmes një postimi në rrjetet sociale, Unikkatili, emri i vërtet Viktor Palokaj, kujton vëllanë e tij me disa foto dhe me një mesazh prekës.
Unikatili shkruan po ashtu se nuk ka qenë pranë të vëllait në momente e fundit të tij të jetës, pasi ai ka kërkuar që të mos e njoftojnë.
“My one and only, ti që ke qenë gjithmonë aty për mua. Ty që të kisha jo vetëm vëlla, po edhe shokun më të mirë. Ti më deshe më shumë se veten, e edhe unë ty njëjtë. Gjithmonë i buzëqeshur, pozitiv e sypatrembur. Trimi im!!! Edhe në momentet e fundit ke thënë mos të më tregonin mua sepse ke pasur brengë se po pësoja aksident tu u ngutë me ardhë te ti. Përjetove gjëra që disa nuk munden as me qindra jeta, e vetëm në ëndrra. Zemra ime u thye në miliarda copa”, shkruan reperi në postimin e tij në Instagram.
Siç raportuan mediat kosovare, ngjarja ka ndodhur në lagjen ‘Arbëria’ në Prishtinë. Policia e Kosovës njoftoi se vdekja e tij u konstatua nga ekipi mjekësor në vendngjarje, por shkaku ende mbetet mister.
View this post on Instagram
