Vazhdon përplasja mes Erion Veliajt dhe Grida Dumës, lidhur me një udhëtim të Kryetarit të Bashkisë së Tiranës me një çarter drejtë Parisit. Veliaj e ka mohuar, duke thënë se ka udhëtuar me avion drejtë Milanos, për të takuar Bashkim Finon. Guma vazhdon akuzat duke nxjerr emrin e biznesmenit që sponsorizoi udhëtimin privat të Veliajt.
Sipas Dumës, çarterin e solli biznesmeni Artan Sheqeri dhe Veliaj ndodhej në bord së bashku me Maznikun e Dhamon.
Duma deklaroi se Veliaj po e thellon më tej skandalin pasi nuk po e bën transparentë udhëtimin e dy ditëve më parë, për arsye se këtë udhëtim e ka paguar biznesmeni Artan Sheqeri, i cili sipas Dumës ka interesa të ngushta në Bashkinë Tiranës.
“Ne e pyetëm sot në mesditë për motivin e vizitës me çarter në Paris, me datën 16 Janar, dhe i kërkuam të sqaronte se kush është biznesmeni që ka paguar këtë fluturim luksoz, dhe a ka ai interesa në bashkinë e Tiranës.
Veliaj përgjigjet duke përmendur vizitën që ka bërë me 17 janar, në Itali, pra vizitën që ka bërë dje. Kështu, ai e thellon skandalin, sepse i fshihet carterit të dy ditëve më parë, nuk bën transparencë dhe mundohet të hedhë mjegull duke përmendur një fluturim tjetër, të një dite më parë.
Dy ditë më parë, të hënën, në orën 9 e 20 të mengjesit është ulur në Rinas një avion çarter i kompanisë AVCON-JET. 40 minuta më pas, ky avion është rinisur për në Paris, dhe në bord ishin 3 pilotë, Erjon Veliaj, Arbër Mazniku, Juli Dhamo dhe biznesmeni që erdhi, i mori e i shoqëroi në Paris, Artan Sheqeri.
Përse Erjon Veliaj e mohon këtë udhëtim?”, është shprehur Grida Duma/opinion.al
Me çarter në Paris/ Kush gënjen Grida Duma apo Erion Veliaj?
