Aeroplanmbajtësja më e re dhe më moderne e marinës amerikane, Gerald R. Ford, është duke e vizituar Kroacinë.
Sipas mediave të huaja, aeroplanmbajtësja mund të mbajë deri në 90 avionë dhe helikopterë dhe i gjithë ekuipazhi i saj është 4600 marinarë.
Ajo është anija më e madhe ushtarake në botë, e cila mban emrin e Gerald Ford, presidentit të 38-të të Shteteve të Bashkuara. Vizita e saj thuhet se synon forcimin e marrëdhënieve midis Shteteve të Bashkuara dhe Kroacisë.
“Vizita në Split ka për qëllim forcimin e marrëdhënieve midis Shteteve të Bashkuara dhe Kroacisë, të cilat po punojnë së bashku për stabilitet, siguri dhe prosperitet në rajon. Vizita në portin e Splitit do të jetë gjithashtu një mundësi për ekuipazhin e anijes që të takojë banorët e qytetit dhe të mësojë për historinë e pasur të Kroacisë”-njoftoi Ambasada Amerikane në Zagreb.
Gjenerata më e re e kësaj pajisjeje i ka dy reaktorë bërthamorë dhe katër boshte. Ajo është 332 metra e gjatë, 40 metra e gjerë, ndërsa pjesa e pistës është 78 metra e gjerë.
Ndërtimi i saj kushtoi 12.8 miliardë dollarë amerikanë dhe 4.7 miliardë të tjerë u investuan në kërkim dhe zhvillim
