Me 106 vota pro dhe vetëm dy kondra parlamenti vendosi që të “dorëzojë” në Gjykatën Kushtetuese Koço Kokëdhimën. Do të jetë kjo gjykatë që do të vendosë për mandatin e ti të deputetit.
Për këtë votim u kthyen në sallë edhe deputetët e PD-së.
Kokëdhima, duke folur në parlament ka sqaruar tenderat e përfituara nga kompania, duke thënë se janë bërë para se ai të merrte mandatin.
Deputetët që kanë abstenuar për çështjen e kalimit në Gjykatën Kushtetuese të mandatit të deputetit Koço Kokëdhima janë: Namik Kopliku, Klodiana Spahiu, Paulin Sterkaj dhe sigurisht vetë deputeti Kokëdhima.
Ndërkohë dy votat kundër dërgimit të mandatit të tij në Kushtetuese janë të deputetëve të majtë Vladimir Kosta dhe Mira Shehu.
