Një 20-vjeçar nga Shkodra është mbytur ditën e sotme në plazhin e Velipojës.
Sipas uniformave blu i riu ka dalë nga uji në një gjendje të rënduar shëndetësore.
Menjëherë ka mbërritur ambulanca e qendrës shëndetësore të Velipojës duke i dhënë ndihmën e parë, por 20-vjeçari nuk ka mundur të mbijetojë.
“Rreth orës 10:25, në plazhin e Velipojës, shtetasi A. S., 20 vjeç, banues në Shkodër, sapo ka rënë në kontakt me ujin, nuk është ndjerë mirë nga ana shëndetësore. Ai është nxjerrë në breg nga familjarët dhe roja bregdetare dhe i është dhënë ndihma e parë, por ka humbur jetën. Paraprakisht dyshohet se 20-vjeçari ka humbur jetën nga arresti kardiak”, tha policia.
Grupi hetimor vijon punën për përcaktimin e saktë të shkakut të humbjes së jetës./Opinion.al
