Mbrëmjen e së enjtes, në emisionin “Opinion” u publikua sondazhi për presidentin e Federatës Shqiptare të Futbollit. Edhe në emisionin e së enjtes u diskutua pikërisht kjo temë ku të ftuarit në studio kanë debatuar në lidhje me dy emrat kandidatë, Armando Duka dhe Bashkim Fino.
Sondazhi i mbyllur sot, ka shpallur fitues presidentin aktual të federatës Armando Duka, me 52% të votave, ndërsa Bashkim Fino ka marrë 48% të votave. Në këtë sondazh kanë votuar 6180 persona. Duka ka qëndruar në krye të sondazhit gjatë gjithë kohës, ndërsa vetëm ditën e djeshme është shënuar një barazim votash mes dy kandidatëve. Në emisionin e radhës do të publikohet një tjetër sondazh.
