Exit poll-et e para nga raundi i parë për zgjedhjet parlamentare në Francë tregojnë kryesimin e partisë së Marine Le Pen, ashti siç edhe ishte parashkuar nga sondazhet e mëparshme.
Partia e Presidentit Emmanuel Macron po shkon drejt humbjes pas një rritjeje të mbështetjes për bllokun e Tubimit Kombëtare të ekstremit të djathtë dhe një shfaqje të fortë për aleancën e krahut të majtë.
Vlerësimet fillestare nga IPSOS vendosin aleancën e ekstremit të djathtë, të kryesuar nga Tubimi Kombëtar (RN), në vendin e parë me 34% të votave, përpara aleancës së krahut të majtë në vendin e dytë me 28.1%, ndërsa partia e Macron në vendin e tretë me 20.3%.
Parashikimet sugjerojnë se pas raundit të dytë të votimit të dielën e ardhshme, RN do të fitonte midis 230 dhe 280 vende në Asamblenë Kombëtare prej 577 vendesh, duke mos pasur 289 të kërkuara për një shumicë absolute.
Aleanca e krahut të majtë, Fronti i Ri Popullor i sapoformuar (NFP), midis 125 dhe 165 vende, ndërsa Ansambli i Macron dhe aleatët e tij nga 70 në 100.
