Është mbyllur protesta e cila u zhvillua pas vrasjes së vajzës 7 vjeçe në Potam të Himarës pasi u përplas nga një skaf që drejtohej nga komisari Arjan Tase. Protestuesit deklaruan se protesta e radhës do të jetë të hënën në orën 19:00.
Qytetarët thanë se i kanë lënë kohë kryeministrit Edi Rama, deri të hënën që të shkarkojë ministrin e Brendshëm Bledi Çuçi, ministren e Turizmit, Mirela Kumbaro si dhe drejtorin e Përgjithshëm të Policisë së Shtetit, Gledis Nano.
Qytetarët protestuan fillimisht para Ministrisë së Brendshme shkuan në Kryeministrisë ku ndezën qirinj në kujtim të 7-vjeçares dhe më pas u zhvendosën përball Presidencës.
Gjatë protestës pati vetëm një episod të shkurtër përplasje me policinë, por kryesisht ishte një protestë e qetë, pasi pjesë e kësaj proteste ishin dhe fëmijë që kishin ardhur së bashku me prindërit e tyre./ Opinion.al
