Duket se është mbyllur protesta e thirrur nga opozita paralel me seancën plenare të ditës së sotme.
Simpatizantët kanë shoqëruar Berishën derisa kryedemokrati është futur në selinë blu.
Ndërkohë në një prononcim pë gazetarët Berisha tha: “Parlamenti dëshmoi se çfarë përfaqëson sonte.
U detyruan të lënë parlamentin dhe të largohen, sepse e vërteta është se janë shumë më afër me bandat dhe krimin se sa me tempullin e demokracisë.
Kjo betejë do të vazhdojë, do të vazhdojë deri në fitoren e plotë të revolucionit demokratik, mbi monizmin e bazuar në krimin, drogën, e Edi Ramës.
Edhe njëherë mirënjohje të pakufishme. Rrofshi ju, rroftë Shqipëria!”.
Me incidente u shoqërua seanca plenare e ditës së sotme, ku deputetët e përjashtuar të PD kërkuan të hyjnë në seancën plenare dhe u ndaluan nga garda.
Ndërkaq, protestuesit u përplasën me policinë gjatë protestës duke hedhur në drejtim të policisë shakshka dhe flakadanë.
