Për rreth tre orë opozita protestoi përpara Parlamentit, ndërsa deputetët e mazhorancës vazhdonin seancën plenare jashtë radhe. Një grup manifestuesish tentuan të çajnë kordonin e policisë të vendosur në hyrjen kryesore të oborrit të parlamentit, por u sprapsën nga përdorimi i gazit lotsjellës. Disa manifestues u përgjigjën më pas duke hedhur gurë ndaj policisë. Ky është tubimi i tretë brenda 10 ditësh që zhvillon opozita, duke kërkuar dorëheqjen e kryeministrit Edi Rama dhe zgjedhje të parakohshme.
Në mbyllje të protestës, Lulzim Basha deklaroi: Sot Edi Rama përdori dhunën ndaj qytetarëve për të marrë sendin vjedhur nga bandat kriminale. Sot nuk kemi më kuvend, nuk kemi më qeveri, as polici. Kemi një bandë hajdutësh dhe kriminelësh që keqpërdorin institucionet. Kriminelët nuk arrestohen por bëhen deputet, biznesmenë. Qytetarët që kërkojnë të drejtat e tyre. Ne nuk njohim më pas policinë e krimit, mosbindja civile do shtrohet nga jugu në veri. Çdo kush që është në krah të bandës së hajdutëve është tradhtar i popullit të vetë dhe do të trajtohen si tradhtarë. Të bashkuar si asnjëherë, demokratë e socialistë të krishterë e myslimanë, gegë e toskë sot vazhdojmë rrugën tonë drejt demokracisë evropiane. /Opinioni.al
