Zgjati vetëm pak minuta seanca plenare e ditës së sotme. Teksa kryeparlamentarja Nikolla nisi të lexonte rendin e ditës në sallë u hodhën flakadënë nga deputetët e opozitës.
Mes zhurmës dhe kaosit u miratuan të gjitha pikat e rendit të ditës, që kaluan me nxitim për votim për rreth 10 minuta dhe seanca u deklarua e mbyllur.
Mes tyre, u miratuan edhe ndryshimet e rregullores së Kuvendit me 74 vota, që do të thotë se deputetët që thyejnë rregullat nuk do të përjashtohen më me 10 ditë maksimumi, por deri në 60 ditë.
Ndërkaq, deputetet e opozites kane vijuar me protestën ne salle, duke iu rënë tavolinave dhe duke thirrur; turp turp.
