TIRANË- Më shumë se një shekull e gjysëm heqje lirie ka kërkuar sot prokuroria për 9 të pandehurit e procesit te ashtuquajtur “xhihadistët”. Ne emër të Prokurroisë së Krimeve të rënda, prokurorja Elizabeta Imeraj kërkoi dënimin me një total prej 152 vitesh burgim për 9 persona, pjesë e një grupi që rekrutonin dhe dërgonin shtetas shqiptarë për të marrë pjesë në luftimet në Lindjen e Mesme.
Sipas konkluzioneve të Prokurorisë për Krime të Rënda, ka prova të mjaftueshme se të pandehurit, kryesisht në vitin 2013, kanë bindur dhe dërguar në Siri qytetarë të ndryshëm Shqiptarë, me qëllim bashkimin e tyre me grupet radikale të armatosura që veprojnë në atë zonë. Për këtë arsye Prokuroria kërkoi dënimin me nga 20 vjet burg për Genc Ballën, Bujar Hysën dhe Gert Pashjen, 17 vite heqje lirie per Zeqir ymerin, si dhe nga 15 vitet burg per për Orion Reçin, Verdi Moravën, Edmond Ballën, Astrit Tolën dhe Fadil Muslimanin.
Mbi 9 personat rendojnë Akuzat: ”Rekrutim i personave për kryerjen e veprave me qëllimeve terroriste ose të financimit të Terrorizmit”; ”Stërvitje për kryerjen e veprave me qëllime terroriste” dhe ”nxitje e urrejtjes ose grindjeve”. Edhe ne seancen e sotme, pati mjaft reagime nga te pandehurit per te cilet xhihadizmi nuk eshte veper kriminale.
Prokuroria e Krimeve të Rënda ka kërkuar dënimin:
1. Genc Balla të dënohet me 20 vjet burgim;
2. Gert Pashai të dënohet me 20 vjet burgim;
3. Bujar Hysa të dënohet me 20 vjet burgim;
4. Erjon Reçi të dënohet me 15 vjet burgim
5. Verdi Morava të dënohet me 15 vjet burgim;
6. Astrit Tola të dënohet me 15 vjet burgim;
7. Edmond Balla të dënohet me 15 vjet burgim;
8. Fadil Muslimani të dënohet me 15 vjet burgim;
9. Zeqir Ymeri të dënohet me 17 vjet burgim;
