Presidenti Bajram Begaj ka reaguar pas mbylljes së votimeve në Kosovë për zgjedhjet parlamentare.
Përmes një postimi në rrjete sociale, Begaj i përgëzon qytetarët e Kosovës që kanë shprehur vullnetin e lirë me votën e sotme.
Ai thotë se qeveria e re e dalë nga zgjedhjet të vazhdojë punën për të mirën e vendit me zhvillimin e reformave dhe përparimin e progresit ekonomik dhe në bashkëpunim me partnerët ndërkombëtarë.
“Përgëzime qytetarëve të Kosovës që shprehën vullnetin e lirë me votën e së dielës!
Qeveria e re e dalë nga zgjedhjet urojmë të vazhdojë punën për të mirën e vendit me zhvillimin e reformave dhe përparimin e progresit ekonomik dhe në bashkëpunim me partnerët ndërkombëtarë për një Kosovë të qëndrueshme dhe të aftë për të avancuar në proceset euroatlantike”, shkruan Begaj./Opinion.al
