Muaricio Leal është braziliani që luan në mbrojtje me skuadrën e Flamurtarit. Mbrëmjen e djeshme ai është ndaluar nga policia e Vlorës, teksa drejtonte makinën pa leje qarkullimi. Fillimisht ai nuk i është bindur urdhrit të policisë deri sa është kapur në Radhimë.
Njoftimi i policisë:
“Policia ka bërë arrestimin e tij në Radhimë, pasi ky shtetas po drejtonte mjetin tip Benz, pa leje drejtimi përkatës dhe duke udhëtuar në këto kushte nuk i është bindur urdhrit të punonjësit të policisë rrugore për të ndaluar’ njofton policia.
Materialet iu referuan Prokurorisë për veprën penale “Drejtimi i automjetit në mënyrë të parregullt” dhe “Mosbindja ndaj urdhrit të punonjësit të policisë së rendit publik”, të parashikuara nga nenet 291 dhe 242 të Kodit Penal.
