Mbreti i Dubait i cili ka njëkohësisht edhe funksionin e kryeministrit, vendosi të realizonte një ditë një vizitë surprizë në zyrat e Bashkisë. Ai zgjodhi mëngjesin për të realizuar vizitën por aty nuk gjendej askush. I revoltuar mbreti ka pushuar nga puna 9 zyrtarë të lartë të Bashkisë së Dubait.
Mbreti Mohammed bin Rashid Al Maktoum nuk i lidh largimet nga puna me vizitën e tij të papritur, por tha se kjo do t’i hapte rrugë një brezi të ri të udhëheqësve të aftë për të mbajtur përgjegjësi.
Një video e publikuar më pas në rrjetet sociale tregon sundimtarin arab teksa ecën i vetëm në korridoret e Bashkisë. Ai zhvilloi kontrolle në të tre departamenteve të mëdha qeveritare. Prej disa kohësh ai ka ushtruar kontrolle të rrepta nëpër departamente të ndryshëm si ekonomik dhe turistik, dhe kjo ka çuar në pezullimin e shumë drejtuesve për paaftësi.
