Mbretëria e Bashkuar i ka kërkuar Serbisë që të lërë të lirë tre policët e rrëmbyer nga policia serbe më 14 qershor.
Ambasadori Neil Holland, shef i misionit të OSBE-së në Vjenë tha se vendi i tij është në dijeni për rritjen e tensioneve mes Kosovës dhe Serbisë.
Ndër të tjera ai u shpreh se qeveria e Kosovës dhe Serbisë duhet të kenë vetëpërmbajtje maksimale, që të shmangin veprimet e njëanshme.
“Ne kemi përsëritur thirrjet tona ndaj Qeverisë së Kosovës që të sigurojë që kryetarët e zgjedhur të komunave t’i kryejnë detyrat e tyre nga lokacione alternative dhe që njësitë e Policisë Speciale të tërhiqen nga afërsia e ndërtesave komunale”,-u shpreh ai.
Mbretëria e Bashkuar tha se zgjedhjet e reja, gjithëpërfshirëse duhet të shpallen sa më shpejt që të jetë e mundur – “në të cilat presim dhe inkurajojmë serbët e Kosovës të marrin pjesë”.
