Mbretëresha Elizabeth ka pranuar ‘periudhën e tranzicionit’ ku Princ Harry dhe Dukesha Meghan Markle do të kalojnë gjysmën e kohës në Kanada dhe gjysmën tjetër në Britani.
Ajo është shprehur në një deklaratë se është “mbështet plotësisht” dëshirën së tyre për një rol të ri, por “do të preferonte që ata të mbeten anëtarë të Familjes Mbretërore dhe të punojnë me kohë të plotë në detyrat e tyre”.
Megjithatë ka ende shumë punë për të bërë lidhur me “çështjet komplekse”dhe pritet që vendimet përfundimtare të merren në ditët në vijim,mësohet të ketë thënë ajo.
Pak ditë më parë përmes një deklarate Harry dhe Meghan u shprehën se dëshiron të hiqnin dorë ng titujt e tyre, të jetonin mes Kanadasë dhe Britanisë si dhe të kishin ekonominë e tyre automone nga Mbretëria.
Deklarata e plotë e Mbretëreshës:
Ditën e sotme familja ime pati një bisedë mjaft konstruktive lidhur me të ardhmen e nipit tim dhe familjes së tij. Familja ime dhe unë jemi tërësisht në mbështetje të dëshirës së Harryt dhe Meghanit për të krijuar jetën e tyre si familje e re.
Megjithatë do të preferoja që ata që qëndronin në punë me kohë të plotë si anëtarë të familjes mbretërore, ne respektojmë dhe kuptojmë dëshirën e tyre për të jetuar një jetë më të pavarur si familje, ndërkohë që qëndrojnë si pjesë me vlerë e familjes time. Harry dhe Meghan kanë bërë të qartë se ata nuk duan të mbështeten në fondet publike në jetën e tyre të re.
Për këtë arsye kam rënë dakord që do të ndodhë një periudhë tranzicioni ku Sussexët do të shpenzojnë kohë në Kanada dhe SHBA. Ka ende çështje komplekse që do të rregullohen nga familja dhe ka ende për të bërë, por kam kërkuar që vendimet përfundimtare të merren në ditët në vijim.
