Pasditen e sotme deputetët mblidhen në seancën plenare, që çel sesionin e ri.
Në rend dite është njoftimi i projektligjeve e nismave të depozituara në Kuvend dhe miratimi i kalendarit trejavor të punimeve.
Sesioni hapet më shpejt këtë vit pasi nga sesioni i mëparshëm janë trashëguar një serë nismash të rëndësishme që bëjnë të zbatueshme Reformën në Drejtësi.
Në këtë sesion të ri, vëmendja pritet të përqendrohet edhe tek ekonomia për faktin se Kuvendi do të duhet të shqyrtojë në javët e muajt e ardhshme buxhetin faktik të vitit të mëparshëm si dhe projektbuxhetin e vitit të ardhshëm.
