Lëvizja Socialiste për Integrim ka mbledhur sot në një takim kryesinë dhe ish-grupin parlamentar për të diskutuar rreth aksionin opozitar dhe qëndrimin ndaj procesit të reformës zgjedhore.
Burime nga takimi bëjnë me dije se në fund të mbledhjes u vendosën për vijimin e aksionit opozitar dhe koordinimin së bashku me Partinë Demokratike. Kjo konfirmon që dy partitë më të mëdha opozitare do të vazhdojnë të jenë të bashkuara sa i përket qëndrimit për zgjidhjen e krizës politikave dhe kërkesave ndaj mazhorancës.
Në mbledhje u vendos gjithashtu që LSI do të vazhdojë mbështetjen e plotë për punën e komisionit për reformën zgjedhore të opozitës së bashkuar.
Javën e shkuar opozita zhvilloi mbledhjen e grupit të punës të ngritur me përfaqësues politik dhe ekspertë në kuadër të reformës zgjedhore. Opozita nuk e konsideron legjitim komisionin për reformën në Kuvend duke thënë se ai drejtohet nga një nga personat që është përmendur në dosjen ku po hetohen krimet elektorale. /Opinion.al
