Kryenegociatorja Majlinda Dhuka ka raportuar në Komisionin për Çështjet Europiane mbi projekt pozicionin negociues për grupkapitullin V “Burimet, bujqësia dhe kohezioni” për negociatat për anëtarësimin në Bashkimin Evropian.
“Me këtë grupkapitull, Shqipëria e përmbyll fazën e çeljes së negociatave. Sigurisht është në pritje të shqyrtimit dhe vendimit të vendeve anëtare, me besim dhe vlerësim në muajt e ardhshëm dhe kalon gradualisht në fazën tjetër të procesit, atë të mbylljes së negociatave dhe të përgatitjeve teknike për mbylljen e negociatave.
Kryenegociatorja ka përmendur rezultatet pozitive deri tani që janë arritur në këtë proces.
“Në 10 muajt e fundit, kemi arritur të zhvillojmë me BE 4 konferenca ndërqeveritare dhe të çelim 24 kapituj dhe 3 kritere.
Çështjet që do të diskutohen në këtë grupkapitull, sipas Dhukës, kanë rëndësi të veçantë për fermerët.
Klan News
