Ka nisur mbledhja e Këshillit të Sigurisë Kombëtare në Presidencë. Mbledhja u thirr nga Ilir Meta për çështjen e mosarrestimit të trafikantit të drogës Klement Balili. Në këtë mbledhje mungon Kryeministri Edi Rama. Ai e ka justifikuar këtë me vizitën në Kosovë, ndërsa Nishani nuk ka pranuar zëvendësimin e tij me Niko Peleshin.
Mësohet se kanë mbërritur në Presidencë: Kreu i Kuvendit, Meta, ministrja e Mbrojtjes Kodheli, ministri Tahiri, ministri i Jashtëm, Bushati, kreu i SHISH Visho Ajazi Lika, ministri i ri i Drejtësisë, Vasili, kryeprokurori Llalla, kreu i Komisionit të Sigurisë, Braho.
