Ditën e martë mblidhet kryesia e PD-së zyrtare për të përcaktuar hapat që pritet të ndërmerren më tej për riorganizimin e partisë dhe zgjedhjen e kryetarit të ri.
Ish-kryetari i PD, Lulzim Basha gjatë takimit në Kamëz tha se duke qenë i dorëhequr nuk dëshironte t’u paraprinte vendimeve që mund të merren nga kryesia mbi riorganizimin e partisë.
“Unë jam i lidhur nga etika dhe formimi, dyfish i lidhur nga përgjegjësia e lidershipit. Jam i dorëhequr si kryetar i PD dhe nuk dua ti paraprij çdo vendimi që do marrin institucionet e PD-së. Di të them se kudo ku kam shkuar jam befasuar nga shpirti i qëndresës që kam gjetur pas një viti e gjysmë tmerrësisht të vështirë. Mos ardhtë më një vit i tillë. Ky është një detyrim jete për mua”- tha Basha.
