Prej orës 19:23, kryesia e Partisë Demokratike vijon mbledhjen me dyer të mbyllura për të përcaktuar garën për kreun e ri të kësaj force politike dhe miratuar kandidaturat.
Mbledhja drejtohet nga sekretari i përgjithshëm Arben Ristani dhe dy nënkryetarët Edi Paloka dhe Edmond Spaho. Mungojnë Tabaku, Ruli, Bode.
Paloka mësohet të këtë thënë se në garë për kreun e PD janë 8 kandidatura dhe ka propozuar që të shkohet vetëm me dy, Bashën dhe Selamin.
Ndërkohë, i ashtëquajturi grupi në mbrojtje të statutit që kundërshton kreun e PD Basha, ka paraqitur një kërkesë që është lexuar nga anëtari Gent Malko ku kërkohet shtyrja e datës së zgjedhjeve dhe bërja nul e kësaj procedure të nisur, duke u shprehur se është antistatutore. Në kërkesë kërkohet dhe dorëheqja e kreut Basha.
Malko ka kërkuar që futja në rend e kërkesës të hidhet me votim të fshehtë. Për këtë nuk ka ende një vendim pasi statuti dhe as rregullorja e PD nuk e njohin votimin e fshehtë.
Ka pasur debate mes ish-deputetit Sherefedin Shehu dhe nënkryetarit Edi Paloka. Shehu i ka kërkuar që intepretimin e statutit ta bëjë sekretari i përgjithshëm Ristani
