Edhe pse me një numër të vogël të të pranishmëve, Enkelejd Alibeaj ka komentuar mbledhjen e sotme të kryesisë së Partisë Demokratike.
Në daljen e tij për mediat, Alibeaj tha se kryesia mbështetit unanimisht qëndrimet e grupit parlamentar.
“Mbledhja sot ishte 3 orë dhe nuk mjaftonin. Kishte kohë që nuk ishte mbledhur Kryesia. Mbledhje informuese, për qëndrimin e grupit parlamentar. Kryesia unanimisht mbështeti qendrimet e Grupit Parlamentar gjatë kësaj kohe. Kryesia e mbështeti dhe tashmë do vijohet me organizmin e zgjedhjeve. Të premten një tjetër mbledhje kryesie, për ecjen para në zgjedhjet lokale”, tha ai.
Ndërkohë, lidhur me veprimin e demokratëve të Mirditës dhe bashkimin e tyre, ai tha se kanë qenë dhe mbetet për një kandidat fitues në bazë.
“Kam qenë i pari që kam mbështetur atë që bënë burrat e mençur të Mirditës. Qëndrimi i grupit, i mbështetur nga kryesia mori frymëzimin nga qëndrimi i përfaqësuesve në Mirditë. Kemi qenë e jemi për një kandidat fitues, të demokratëve të bazës. Duhet të shkojmë në zgjedhjet lokale për të fituar. Nuk duhet lejuar të ndikohen nga ndasia lart”, u shpreh./Opinion.al
