Nuk ka të sosur kanabisi. Pas sasisë prej 200 kg kanabis sativa që u gjet e fshehur në një tunel në njësinë administrative Baz të Matit, policia ka gjetur një tjetër sasi të madhe droge pranë këtij tuneli.
Kësaj radhe droga u gjet e fshehur brenda një kontenieri.
Burime nga Prokuroria thonë se mund të jenë rreth 500 kg kanabis, ndërkohë që zyrtarisht policia thotë se kjo shifër është rreth 150-200 kg.
Gjithashtu në kontenier është gjetur edhe një armë zjarri kallashnikov.
Policia nuk ka identifikuar ende asnjë përgjegjës për kanabisin e gjetur.
Theksojmë se gjatë ditës së sotme u njoftua kapja e 200 kg kanabis në një tunel në Mat vetëm pak metra larg kontenierit me drogë.
Burimi:Syri.net
