TIRANE- Duke diskutuar mbi alternativat e tjera pasi burgjet janë të mbipopulluara, ministri i Drejtësisë, Ylli Manjani tha se “do të nisim me të miturit, të cilët s’duhet të mbahen më në qeli”.
“Do të hyjmë në një zgjidhje të qëndrueshme për t’i dhënë mundësinë çdo të riu në Shqipëri, që të integrohet, futet në shoqëri si profesionist, njeri i edukuar dhe jo një njeri i burgosur”, tha Manjani.
Sipas tij, kjo çështje pritet që të zgjidhet në bashkëpunim me partnerët, pasi kjo do çojë në reduktimin e mbipopullimit në burgje
“Mbipopullimi është situetë që është pasojë e disa fenomeneve që duhet ti kurojmë derisa të vijmë në një zgjidhje të qëndrueshme e afatgjatë” tha Manjani.
