Tre emigrantë shqiptarë të paligjshëm janë arrestuar në Angli, pasi janë kapur duke u kujdesur për një “shtëpi bari”.
Kur Edison Sulanjaku u arrestua pas një pazari droge në West End të Newcastle, oficerët panë një aplikacion që luante pamjet CCTV të fermës së kanabisit në telefonin e tij celular. Kjo i çoi ata në një fabrikë droge, me pothuajse 2,000 fabrika me vlerë më shumë se 800,000 £, të cilat ishin ngritur nga një bandë kriminale në një njësi në Dunston, Gateshead.
Tani Sulanjaku, i cili kishte një rol “mbikëqyrës” dhe “kopshtarët” Besnik Çela dhe Xhenifer Muça, janë burgosur në Gjykatën e Newcastle Croën dhe janë paralajmëruar se do të dëbohen pas vuajtjes së dënimit.
Shqiptarët janë pikasur nga oficerët, që në momentin kur këta të fundit ishin në patrullim, duke vëzhguar një pazar droge që po bëhej mes pasagjerëve të një makine dhe me Sulanjakun.
Policët tentuan të ndiqnin automjetin pasi Sulanjaku u largua, por humbën kontaktin kështu që vendosën të kthehen në dyqan dhe të përpiqen të lokalizojnë Sulanjakun dhe të tjerët.
Në momentin e lokalizimit, kanë arrestuar Sulanjakun, të cilit iu sekuestrua një celular. Pajisja u ekzaminua dhe oficerët zbuluan një softuer që siguronte një informacion të drejtpërdrejtë të fermës së kanabisit, me dy burra që shiheshin në pamjet që po kujdeseshin për bimët.
Oficerët ishin në gjendje të identifikonin pronën si një njësi industriale në Gateshead. Gjatë një kontrolli në kompleks kanë arrestuar Besnik Celën.
Prona u zbulua se përmban rreth 1,950 bimë kanabisi në shumë faza të rritjes, me vlerë midis 187,600 dhe 805,00 £. Po nga bisedat e Ëhatsapp të Sulanjakut, oficerët e policisë morën dhe një adresë në rrugën Lincoln në Sunderland, ku u gjet Xhenifer Muça dhe brenda rreth 17 kilogramë kanabis i paketuar në një numër pakosh të mbyllura me vakum, me vlerë midis 43,300 dhe 65,500 £.
Sulanjaku u burgos për katër vjet e gjysmë, Muça 18 muaj dhe Cela, 16 muaj. Ata do të dëbohen pasi të kenë vuajtur gjysmën e dënimit pas hekurave./Opinion.al
