Sipas të dhënave të Ministrisë së Shëndetësisë në Itali, në 24 orët e fundit janë identifikuar 17,959 persona të infektuar me Covid-19.
Mediat italiane shkruajnë se në ditën e fundit janë regjistruar më shumë raste se të martën, ku ishin 15.756 të infektuar.
Nga ana tjetër, në një ditë janë regjistruar 86 viktima, ndërsa të martën 99.
Aktualisht në Itali janë pozitive me Covid-19 249,214 qytetarë. Që nga fillimi i pandemisë totali i rasteve ka shkuar në 5,152,264, ndërsa numri i viktimave nga Covid-19 ka shkuar në 134,472.
Mësohet se në ditën e fundit janë kryer 564,698 tamponë molekulare dhe antigjenike për identifikimin e koronavirusit, ndërsa të martën ishin 695,136./Opinion.al
