Numri i të vdekurve në Izrael nga sulmi i nisur të shtunën nga Hamasi është rritur në të paktën 1,200 ndërsa rreth 3,000 persona janë plagosur. Lajmi u raportua nga mediat izraelite, të cilat thonë se viktimat ishin kryesisht civilë.
Ndërkaq, sipas asaj që është raportuar nga Ministria e Shëndetësisë në Gaza, numri i viktimave palestineze ka shkuar në 950, raporton BBC.
Dhjetëra avionë luftarakë të Forcave Ajrore izraelite kanë goditur më shumë se 200 objektiva në lagjen Al-Furqan në Gaza, që besohet të jetë pika e nxehtë nga ku Hamasi harton dhe ekzekuton sulmet. Forcat e Mbrojtjes së Izraelit thonë se ky është kundërsulmi i tretë në zonë gjatë 24 orëve të fundit.
Ndërkohë kanë dalë në dritë detajet e një masakre në një fshat izraelit ku luftimet vazhduan deri të martën në mëngjes. Një gjeneral izraelit foli për foshnjat e vrara në dhomat e tyre të gjumit, ndërsa disa prej të vdekurve u ishin prerë kokat.
