Ka shkuar në 1016 persona numri i viktimave të shkaktuar nga koronavirusi. Bëhet me dije se vetëm të hënën kanë humbur jetën 103 persona në provincën Hubei.
Por numri i infeksioneve të reja në shkallë vendi ishte zvogëluar gati 20% nga një ditë më parë, nga 3062 në 2478. Tani ka më shumë se 42200 raste të konfirmuara në të gjithë Kinën.
Organizata Botërore e Shëndetit (OBSH) ka dërguar një ekip ekspertësh në Pekin për të ndihmuar në hetimin e virusit të ri. Sipas të dhënave kineze, 3281 pacientë janë shëruar dhe kane dale nga spitali.
Këtë të hënë, miliona njerëz u kthyen në punë pas pushimit të Vitit të Ri kinez, i cili u zgjat nga 31 janari për të frenuar përhapjen e virusit. Por masat paraprake mbeten në vend, duke përfshirë orarin e punës, dhe rihapjen selektive të vendeve të punës.
Ndërkohë, Bashkimi Evropian paralajmëroi një takim të jashtëzakonshëm të ministrave të Shëndetësisë, që do të mbahet të enjten./ Opinion.al
