Kryeministri Edi Rama ka publikuar pamje nga aeroporti i Rinasit dhe tregon se në muajin korrik numri i hyrjeve në Shqipëri i kaloi 1 milionë.
Përmes një postimi në rrjete sociale, Rama shprehet se kjo shifër është më e lartë se të gjitha hyrjet përgjatë 2013-ës.
Ai thotë se Shqipëria është transferuar një harkun e një dekade në një vend turistik.
“MIRËMËNGJES dhe me aeroportin ndërkombëtar Nënë Tereza, ku vetëm muajin korrik numri i hyrjeve në Shqipëri i kaloi 1 milionë dhe hynë më shumë pasagjerë se sa erdhën në të gjithë vitin 2013, duke na dhënë një tregues kuptimplotë të transformimit epokal të Shqipërisë turistike në harkun e një dekade, ju uroj të diel të bukur”, shkruan Rama.
