Gjykata Penale në Tiranë vendosi sot masën “arrest me burg” për Roland Muzhaqin.
Behet fjale per te riun qe u arrestua si përkrahës i autorit të vrasjes së 17- vjeçare Griselda Gjikolaj, e cila u vra mbrëmjen e së mërkurës në Laprakë. Në kërkim është shpallur autori i dyshuar, Robert.P.
“Panorama” shkruan sot se Ronald Muzhaqi, i riu që u arrestua si përkrahës i autorit të vrasjes së 17-vjeçares Griselda Gjikola, ka mohuar përfshirjen në ngjarje, duke refuzuar të japë dëshminë e tij.
Ai akuzohet per “Përkrahje e autorit të krimit”. Nga ana tjetër, Robert P., 19-vjeçari nga Tropoja, i cili dyshohet të jetë personi që ka shkrepur armën, duke vrarë adoleshenten e duke plagosur 23-vjeçarin Erjon Benga, ende nuk është arrestuar nga Policia.
Ai vijon të jetë në kërkim dhe mësohet se Policia ka shpërndarë fotografinë e tij në të gjitha pikat e kalimit kufitar, për ta ndaluar që të largohet nga Shqipëria.
Arrestimi dhe si u zbulua
Ai dyshohet të jetë personi që është filmuar nga kamerat bashkë me autorin e shpallur në kërkim Robert P., 19 vjeç, para, gjatë dhe pas momentit të krimit. Megjithatë, burimet thanë se Muzhaqi nuk ka qenë i armatosur dhe personi që dyshohet se ka shkrepur armën, duke tentuar të vrasë Erjon Bengën, me të cilin kishte pasur konflikt, por nga të shtënat ka mbetur e vrarë vajza që ai pëlqente, Griselda Gjikola.
Sipas burimeve, në momentin që i ka parë duke u futur në makinën tip “Mercedez Benz”, me targa AA 266 MS, Robert P., i shoqëruar edhe nga i arrestuari, është afruar duke qëlluar të paktën 4 herë me armë zjarri.
Nga këqyrja e automjetit, ekspertët kanë arritur në përfundimin se objektiv i atentatit ka qenë 23- vjeçari Erjon Benga, që mbeti i plagosur. Autori ka qëlluar nga xhami i pasmë i makinës në krahun e shoferit, ku ndodhej i plagosuri, por plumbat kanë goditur edhe 17-vjeçaren që ndodhej në sediljen e parë.
KAMERAT E SIGURISE
Policia ka sekuestruar dhe ka verifikuar kamerat e sigurisë së disa bizneseve private në vendin ku u vra 17-vjeçarja Griselda Gjikola dhe u plagos Erjon Benga. Gjithashtu janë verifikuar edhe disa kamera të tjera përreth vendit të ngjarjes, për të parë rrugën që kanë ndjekur autorët e ngjarjes, para dhe pas ngjarjes.
Burimet thanë se nga pamjet e kamerave të sigurisë, autori i dyshuar Robert P. dhe miku i tij tashmë i arrestuar, Roland Muzhaqi, shfaqen qartë në kamera, edhe pse mbanin kapuça në kokë. Sipas pamjeve filmike, i dyshuari ka pritur momentin kur çifti të futej në makinë dhe sapo mjeti është ndezur, është afruar duke qëlluar 4 herë në drejtim të shoferit, nga xhami i pasmë i makinës.
Menjëherë pas krimit, 19-vjeçari Robert P. dhe miku i tij Muzhaqi largohen me vrap nga vendi ngjarjes, moment ky që po ashtu është filmuar nga kamerat e sigurisë. / Panorama
