Dy persona që rrezikuan të mbyteshin në det janë shpëtuar nga shërbimet e Policisë Kufitare Shëngjin.
Mjetet lundruese (pedalone) të dy turistëve ishin larguar shumë nga bregu, për shkak të erës së fortë.
Pas marrjes së njoftimit se 2 personat ishin në rrezik shërbimet e Policisë Kufitare kanë nisur menjëherë kërkimet për gjetjen e tyre.
Pas kërkimeve me mjetin lundrues të Policisë Kufitare, janë konstatuar rreth 3 milje larg bregut, 2 mjetet lundruese pedalone dhe 2 drejtuesit e tyre.
Shërbimet e Policisë Kufitare i kanë nxjerrë në breg këta 2 shtetas, bashkë me mjetet e tyre lundruese. Ftamirësisht ata ndodhen në gjendje të mirë shëndetësore./Opinion.al
