Ish-kryeministri Sali Berisha pretendon se ka marrë një mesazh nga mbesa e Ardjan Çapajt, ku kjo e fundit thotë se policia po i kërcënon me tytën e kallashit në kokë. Gjithashtu, Berisha shkruan se policia ka kërcënuar edhe një fëmijë 1.5 vjeç. Kërcënimin nga polici në kokë të foshnjës, ish-kryeministri e ka cilësuar si terror policesk.
“Kërcënimin nga polici me tytë kallashi në kokën e fëmijës 1.5 vjeç! Duke dënuar me force dhe preraz çdo sulm ndaj uniformave blu, gjithashtu dënoj me ashpërsi një terror policesk që nuk kursen as vogëlushet njëvjeçar. I bej thirrje prokurorisë së Elbasanit të verifikoje ketë akuzë tepër të rëndë dhe të vendosi para ligjit me vendosmërinë më të madhe autorin katil të këtij akti çnjerëzor! “, shkruan Berisha. Ndërkaq ai ka publikuar edhe mesazhin që i kanë dërguar.
“Përshëndetje ! Jam mbesa Ardjan Çapes. Ju lutem na ndihmoni! Po na kërcënojnë me tytën e kallashit në kokë. Mua dhe fëmijën tim. Fëmija 1 vjeç e gjysëm. Unë jam, femër. Me gjuajtën me tytën e kallashit në dorë
Unë filmova momentin kur po qëllonin dajën tim, Fejzulla Çapja, ndërkohë i vunë kallashin në kokë fëmijës tim 1 vjeçar. Do jua vras fëmijën nëse nuk na jep filmimin. Po kalojmë tmerr”, shkruhet në denoncimin e publikuar nga Berisha.
