Superjahti luksoz i pronarit të Totenham, Joseph Lewis që vlerësohet rreth 250 milionë dollarë u ankorua këtë të shtunë në Portin e Durrësit.
“Aviva”, jahti luksoz i 46-ti më i gjatë në botë, do të qëndrojë 5 ditë në portin më të madh në vend.
Ky jaht është ndërtuar në vitin 2007 dhe është 98 metra e mund të strehojë deri në 16 persona dhe 35 anëtarë të ekuipazhit.
Suita e pronarit në kuvertën e sipërme përmban një zyrë, sallë pritjeje private dhe një banjë të madhe.
Jahti i Lewis përmban gjithashtu një palestër dhe një pishinë.
Gjithashtu një ditë më parë në Durrës qëndroi edhe jahti “Art Explorer” që çdo ditë ofron një ekspozitë të projektuar me bashkëpunimin e jashtëzakonshëm të Muzeut të Luvrit./Opinion.al
