Ministrja e Shëndetësisë, Ogerta Manastirliu ka njoftuar se kanë mbërritur në Aeroportin “Nënë Tereza” 20 mijë doza të vaksinës Astrazeneca, dhuratë nga qeveria e Greqisë.
Përmes një postimi në “Facebook”, duke i shprehur mirënjohjen Greqisë për mbështejten, Manastirliu thekson se do të vijojmë pa u ndalur me planin kombëtar të vaksinimit.
“20,000 doza të vaksinës AstraZeneca kanë mbërritur në Aeroportin “Nënë Tereza”, falë ndihmës së Greqisë për Shqipërinë. Mirënjohje qeverisë së Republikës së Greqisë për mbështetjen. Solidariteti na bën më të fortë. Do të vijojmë pa u ndalur me planin kombëtar të vaksinimit, për mbrojtjen e jetës dhe shëndetit të çdo qytetari “ShqipëriaBuzëqesh”, shkruan Manastirliu.
Vaksinat u pritën në aeroport nga zv/ministrja e Shëndetësisë Eugena Tomini dhe ambasadorja e Greqisë Sofia Philippidou./Opinion.al
