Policia lokale në Hamburg ka njoftuar se është liruar vajza e vogël, e cila dyshohet të jetë marrë peng nga babai i saj në aeroportin e Hamburgut.
Për 18 orë, aeroporti ka qëndruar i mbyllur.
Burri e ka drejtuar makinën përtej kufizimit të sigurimit dhe ka hyrë në pistën e aeroportit mbrëmjen e së shtunës, bashkë me të bijën katërvjeçare. Ai më pas e ka parkuar makinën nën një aeroplan.
Në fund, ai është dorëzuar para autoriteteve pa bërë rezistencë
“Fëmija duket se nuk është lënduar”, ka thënë policia përmes një postimi në X – platformë e njohur më parë si Twitter.
Incidenti ka shkaktuar shtyrje dhe anulim të dhjetëra fluturimeve.
