Një person është liruar nga policia, pasi mbahej peng prej katër ditësh në Fushë-Krujë. Autoritetet kanë vënë në pranga shtetasin E.M., 24 vjeç banues në Nikël dhe kanë shpallur në kërkim bashkëpunëtorin e tij, B.Xh.
“Të dy këta shtetas prej 4 ditësh kanë mbajtur peng në zonën e Fushë Krujës për motive përfitimi material, shtetasin B. Z., 29 vjeç, i cili u lirua pa pasoja gjatë operacionit policor. Policia vijon punën për kapjen e bashkëpunëtorit të shpallur në kërkim”, njofton policia.
Materialet në ngarkim të autorëve, i kaluan Prokurorisë pranë Gjykatës së Shkallës së Parë Për Krime të Rënda Tiranë, për veprën penale të “Rrëmbimi ose mbajtja peng e personit”./Opinion.al
