Maturantët që nuk kanë fituar degën e preferuar edhe në raundin e dytë të aplikimit për universitet, kanë protestuar edhe ditën e sotme përballë Kryeministrisë.
Pavarësisht nga fakti, se ky raund ka shpallur fitues ata që kanë mesatare mbi 9.5, mësohet se ka të tjerë maturantë që mbeten ende në pritje.
Ndryshe nga herët e tjera, këtë radhë, në mbështetje të tyre kanë dalë edhe gjimnazistët.
Pavarësisht numrit të protestuesve, ata janë shprehur se do të vazhdojnë protestën, deri në gjetjen e një zgjidhje që shokët e tyre të bëhen pjesë e universiteteve publike.
