Prej vitesh e larguar nga skena dhe ekrani, rikthimet e Matilda Makoçit gjithmonë kanë tërhequr vëmendje publike. Jo vetëm për faktin se ajo ka qenë një aktore e dashur dhe e munguar së fundi, por edhe për shkak të martesës së dikurshme me Kryeministrin aktual të vendit, Edi Rama.
Pas lajmeve për jetë të vështirë dhe me probleme, Matilda u shfaq në publik disa muaj më parë, në promovimin e librit me poezi të mikeshës së saj, poetes Natasha Bega.
Ende pa kaluar shumë kohë nga ai moment Matilda rikthehet sërish në ekran. Ajo është shfaqur pasditen e sotme në ekranin e Top Channel, në programin “E diell” drejtuar nga Adi Krasta. Në rubrikën e konkursit të poezive, Matilda ka sjellë për publikun recitimin e një poezie. Nuk dimë nëse ka qenë një rastësi, apo një zgjedhje e menduar mirë, por duket se poezia “Të huaj jemi” shpreh shumë nga ajo çfarë ka ndodhur në jetën reale të aktores dhe Edi Ramës.
Te Huaj Jemi
Te huaj jemi ne prej kohesh,
C’ish per t’u thene eshte thene,
Si guret qe zene vend ne toke,
Ne jete vend ne kemi zene.
Drejt njeri-tjetrit kemi mbyllur
Te gjitha rruget edhe shtigjet,
Si dy qytete mesjetare
Me mure, heshta dhe me pirgje.
Por naten, kur i lodhuri truri,
Portat i mbyll me qetesi,
Ti gjen nje shteg dhe futesh brenda,
Nje shteg qe vetem ti e di.
Pastaj si ne rrugica parqesh,
Shetit mes cirkovolucionesh,
Hyn neper endrra e shkujdesur,
Fanitesh, qesh, ma ben me dore.
Pok kur mengjesi ze afrohet,
Nis shqetesohesh befas ti,
Dhe heshturazi del perjashta
Nga shtegu, qe del vec ti
E dita vjen. Rrjedh prape jeta.
Dhe ne te dy si dhe me pare
Te ftohte rrime e te pamposhtur
Si dy qytete mesjetare.
