Një ngjarje tragjike është shënuar mbrëmjen e djeshme në zonën e Shkopetit. Një 23-vjeçar është gjetur i pajetë pranë liqenit, pasi ishte raportuar i zhdukur nga familja.
Sipas policisë, babai i të riut, shtetasi R. D., u paraqit në Komisariatin e Policisë Mat për të kallëzuar se djali i tij, R. D., 23 vjeç, nuk ishte kthyer në shtëpi.
Menjëherë pas kallëzimit, shërbimet e Policisë nisën kërkimet dhe pas disa orësh, u gjet trupi i pajetë i 23-vjeçarit pranë liqenit të Shkopetit. Dyshohet se automjeti i tij ka rënë në liqen.
Policia ka ngritur një grup të posaçëm hetimor dhe nën drejtimin e Prokurorisë vijojnë hetimet për të zbuluar shkaqet e ngjarjes./tvklan.al
Njoftimi i policisë
Mbrëmjen e djeshme, është paraqitur në Komisariatin e Policisë Mat, shtetasi R. D., i cili ka kallëzuar se djali i tij, shtetasi R. D., 23 vjeç, nuk ishte kthyer në banesë.
Shërbimet e Policisë kanë nisur menjëherë kërkimet për gjetjen e 23-vjeçarit. Pas disa orësh kërkime, shërbimet e Policisë kanë gjetur trupin e pajetë të 23-vjeçarit, pranë liqenit të Shkopetit, ndërsa automjeti i tij dyshohet se ka rënë në liqen.
Në lidhje me këtë rast është ngritur një grup i posaçëm hetimor dhe në drejtimin e Prokurorisë vijojnë hetimet për zbardhjen e rrethanave dhe dokumentimin ligjor të rastit.
