Një pikë karburanti është grabitur gjatë natës në aksin rrugor Vlorë-Babicë.
Ngjarja ka ndodhur rreth orës 02:30 të mëngjesit të së shtunës, ku tre persona të paidentifikuar kanë hyrë në karburant të maskuar dhe me një armë zjarri, kanë kërcënuar punonjësin e karburantit, 60-vjeçarin me inicialet M.M.
Sipas njoftimit të policisë grabitësit nën kërcënimin e armës kanë arritur të vjedhin një sasi lekësh prej 12.000 mijë lekë të reja dhe një aparat celular dhe më pas janë larguar.
Policia menjëherë ka ngritur pika kontrolli dhe po vijon kontrolli i imtësishëm i zonës ku ka ndodhur ngjarja.
Janë sekuestruar pamje filmike në disa pika të ndryshme nga ku mund të kenë lëvizur autorët dhe vazhdon puna intensivisht për identifikimin dhe kapjen e tyre.
