Katër persona të cilët montuan në Prokurorinë e Elbasanit pajisje ngrohje-ftohje që s’funksiononin janë vënë nën hetim për veprën penale të “Mashtrimit”. Bëhet fjalë për administratorin, drejtuesin teknik dhe dy inxhinierët e disa kompanive që ishin angazhuar për punimet restauruese në Prokurorinë e Elbasanit, për të cilët është kërkuar masa e sigurisë “arrest me burg”.
Nga disa verifikime dhe të dhëna paraprake të marra nga specialistë të fushës ka rezultuar se pajisja në fjalë e instaluar kishte dalë nga funksionimi.
Gjithashtu, janë konstatuar nga firma ndërtuese punime të faturuara që nuk janë kryer realisht, instalime të pajisjeve të kondicionimit me fuqi më të ulët se preventivi dhe nevojat e ngrohje-ftohjes së godinës etj.
Në njoftimin për mediat bëhet e ditur se katër personat kanë vepruar në bashkëpunim me njëri-tjetrin duke përfituar dhe duke sjellë një dëm prej 3.569.714.29 lekë dhe në këto kushte ata kanë konsumuar elementet e veprës penale “Mashtrimi me pasoja të rënda”, parashikuar nga neni 143/3 i Kodit Penal të kryer në bashkëpunim.
“Prokuroria pranë Gjykatës së Shkallës së Parë Tiranë ka regjistruar procedimin penal Nr.1305 të vitit 2021, për veprën penale të “Mashtrimit’, parashikuar nga neni 143 i K.Penal.
Nga kryerja e veprimeve hetimore ka rezultuar se:
Prokuroria Pranë Gjykatës së Shkallës së Parë Tiranë, mbi bazën e informacionit të dërguar nga Prokuroria e Përgjithshme, i cili bën fjalë mbi sistemin e ngrohje-ftohjes së Prokurorisë së Elbasanit, ka regjistruar procedimin penal Nr.1305 të vitit 2021, për veprën penale “Mashtrimet” të parashikuar nga neni 143 i Kodit Penal.
Në vitin 2020 në sistemin e ftohjes të Prokurorisë së Rrethit Gjyqësor Elbasan, janë konstatuar disa problematika që kanë pasur të bëjnë me mosfunksionimin e aparaturës Chiller të instaluar nga subjekti ndërtues (nënkontraktor).Nga disa verifikime dhe të dhëna paraprake të marra nga specialistë të fushës ka rezultuar se pajisja në fjalë kishte dalë nga funksionimi.
Në vijim të hetimeve, janë konstatuar nga firma ndërtuese punime të faturuara që nuk janë kryer realisht, instalime të pajisjeve të kondicionimit me fuqi më të ulët se preventivi dhe nevojat e ngrohje-ftohjes së godinës etj
Në vijim të hetimeve, u kërkua pranë Gjykatës së Shkallës së Parë Tiranë të caktohet masa e sigurise “arrest në burg” ndaj shtetasve:
- M. administrator i shoqerisë “Junik” shpk,
- M. me detyre drejtues teknik i shoqërise “Junik” Shpk,
- Ll. me detyrë inxhinier dhe administrator i shoqërise “Tirana New Supervisor”
- D. me detyre inxhinier dhe administrator i shoqërise “Imes-D” Shpk,
Këto shtetas kanë vepruar në bashkëpunim me njëri-tjetrin duke përfituar dhe duke sjellur një dëm prej 3.569.714.29 lekë dhe në këto kushte ata kanë konsumuar elementet e veprës penale “Mashtrimi me pasoja të rënda”, parashikuar nga neni 143/3 i Kodit Penal të kryer në bashkëpunim”-thuhet në njoftim./Opinion.al
