Një 34-vjeçare në Tiranë është arrestuar nga policia, pasi mashtronte se ishte punonjëse e Kadastrës dhe premtonte legalizime.
Mësohet se në pranga ka rënë Malvina Koçi, 34 vjeçe, e cila akuzohet për mashtrim.
E reja hiqej si punonjëse e Kadastrës dhe i kishte premtuar një qytetari se do t’i legalizonte pronën.
34-vjeçarja është kapur në flagrancë teksa merrte shumë 450 mijë Lekë të reja nga qytetari i mashtruar.
“Gjatë periudhës hetimore u provua se 34-vjeçarja e arrestuar në flagrancë ndërkohë që i merrte të dëmtuarit, shumën 450 000 lekë, e kishte mashtruar këtë shtetas se ishte punonjëse e Kadastrës, si dhe se do t’i legalizonte dhe regjistronte, pronësinë mbi një objekt.
Në lidhje me këtë rast është shpallur në kërkim edhe një 41-vjeçar me iniciale J.M. Ai akuzohet si bashkëpunëtor i Koçit. Policia po vijon punën për kapjen e tij”, njofton policia.
Ndërkohë policia nuk i ka lënë ende hetimet pasi po kërkon të identifikojë persona të tjerë që mund të jenë përfshirë në këtë rast./Opinion.al
