Policia ka arrestuar një ish-zyrtar të Bashkisë së Memaliajt, pasi akuzohet për shpërdorim detyre, mashtrim dhe falsifikim dokumentesh.
Sipas uniformave blu mësohet se 31-vjeçari dyshohet se e ka kryer veprimtarinë kriminale gjatë periudhës 2023-2024, kur ka qenë i punësuar në bashki.
I riu ka mashtruar administratorët e subjekteve tregtare dhe ka falsifikuar dokumentet e nevojshme për disa procedura prokurimi.
“Specialistët për Hetimin e Krimeve Ekonomiko-Financiare kapën dhe ndaluan shtetasin E. Sh., 31 vjeç, banues në Memaliaj, për veprat penale “Shpërdorimi i detyrës”, “Mashtrimi” dhe “Falsifikimi i dokumenteve”.
Nga hetimet e kryera për disa muaj, me metoda proaktive, dyshohet se ky shtetas, gjatë periudhës 2023-2024, kur ka qënë i punësuar në bashkinë Memaliaj, ka shpërdoruar detyrën si kryetar i komisionit për prokurimet publike, duke mashtruar administratorët e disa subjekteve tregtare dhe duke falsifikuar dokumentet e nevojshme për disa procedura prokurimi”, njofton policia.
Materialet procedurale i kaluan Prokurorisë, për veprime të mëtejshme./Opinion.al
