Flitet shumë në media, sidomos ato online rreth disa videove seksuale, ku janë përfshirë ministra dhe kryetar bashkie. Së fundimi, Lapsi.al shkruan se një nga variantet është: Një ministër ka kontaktuar me një qendër masazhi dhe është abonuar për këtë shërbim 2 herë në javë. Qendra e masazhit ka “ofruar” një vajzë e cila është transportuar për në zyrën e tij. Të njëjtat burime bënë me dije se vajza është transportuar gjithmonë me makinën e ministrit. Takimet e shpeshta të vajzës tepër simpatike me ministrin për shërbimin e masazhit, u kthyen në një lidhje pasionante mes zyrtarit të lartë dhe masazhatores.
Sipas këtij varianti ka dyshime se vajza që ofronte masazhin ishte rekrutuar nga shërbimet sekrete të një vendi partner. Pas rekrutimit nga institucionet e huaja të shërbimit sekret, vajza masazhatore mendohet të ketë nisur përgjimet dhe filmimet ndaj ministrit. Në pjesën më të madhe të filmimeve, bisedat mes ministrit dhe vajzës janë intime por ka disa raste ku biseda është fokusuar tek çështjet e ministrisë. Nëse ky variant do të verifikohet do të ishte skandali i dytë më i madh seksual i një zyrtari të kësaj mazhorance.
