Sulmet tronditëse në SHBA gjatë 24 orëve të fundit në Teksas dhe Ohio kanë shkaktuar 30 viktima dhe dhjetëra të plagosur.
Në lidhje me këto ngjarje kanë reaguar edhe Presidenti i Republikës Ilir Meta dhe kryetari i opozitës Lulzim Basha me mesazhe solidarizuese.
“Shumë i trishtuar dhe i tronditur nga humbjet e jetëve të pafajshme në ElPaso dhe Ohio. Lutjet dhe mendimet e mia për familjet e viktimave. Solidaritet me kombin e madh amerikan” ka shkruar Meta në Tëitter.
Basha gjithashtu ka shprehur trishtimin në lidhje me humbjen e jetëve të pafajshme dhe lutjen për familjet që humbën njerëzit e dashur.
“Shumë i tronditur dhe i trishtuar nga këto sulme burravakërie dhe humbjet e jetëve të pafajshme në ElPaso dhe Ohio. Mendimet dhe lutjet e mija janë me familjet e viktimave dhe të plagosurve. Shqiptarët në gjithë botën i qëndrojnë pranë miqve amerikanë dhe lutemi për familjet dhe të dashurit e tyre” shkruan Basha.
Policia ka kapur autorin e sulmit në El Paso ku deri më tani raportohen 21 viktima. Ai ishte një 21-vjeçar i cili dyshohet ta ketë kryer masakrën i motivuar nga ideologji ekstremiste kundër emigrantëve me origjinë hispanike. Ndërsa në Dayton, Ohio, ende nuk është zbardhur tërësisht ngjarja por raportohen 9 viktima mes tyre edhe njëri nga autorët i cili thuhet se është qëlluar nga policia. /Opinion.al
Shumë i #trishtuar dhe i #tronditur nga humbjet e #jetëve të #pafajshme në #ElPaso dhe #Ohio. #Lutjet dhe #mendimet e mia për #familjet e viktimave. #Solidaritet me #kombin e madh #amerikan?? ??
— Ilir Meta (@ilirmetazyrtar) August 4, 2019
Deeply shocked by the cowardly attacks and the loss of innocent lives in El Paso and Ohio. My thoughts and prayers are with the families of the victims and the wounded. Albanians worldwide stand by our American friends and we pray for their families and their loved ones.
— Lulzim Basha (@lulzimbasha_al) August 4, 2019
